منتدي شباب المنصوره


منتدي شباب المنصوره


 
الرئيسيةاليوميةس .و .جبحـثالتسجيلدخول

شاطر | 
 

 طريقه للجلاش الحلو

اذهب الى الأسفل 
كاتب الموضوعرسالة
نور79
مشرفه قسم
مشرفه قسم


عدد المساهمات : 21
تاريخ التسجيل : 01/12/2009

مُساهمةموضوع: طريقه للجلاش الحلو   الخميس ديسمبر 31, 2009 12:05 am



الحاجات اللى محتاجينها الاول هيا :

جلاش ... بالكمية اللى تناسبك
سودانى مفروم ناعم ... او اى مكسرات تحبيها
سمن سايحة ... او زبدة سايحة
شربات او قطر

*******************************

ندخل بقى على الخطوات ( ادخلوا برجليكم اليمين ) ونقول بسم الله
انا بعتذر لكم انى ما قدرتش اصور الجلاش نفسه وانا بعمله لان ايدى كانت متلحوسه على الاخر بالسمنة
ده غير انى كنت بعمل تورتة كمان فنفس الوقت فالدنيا كانت حوسة على الاخر
فبعد ما خلصت ونظفنا المسائل صورت لكم الخطوات على ورقة عادية علشان الشرح يكون واضح
والخطوات على العموم سهله جدا ومش بتاخد وقت ابدا

يلا بينا ( بسم الله )
نفرد الجلاش وياريت لو كان صابح
ولو كان محطوط فى الفريزر يبقى نطلعه قبل ما نبدأ فى الشغل بفترة كفاية بحيث انه يكون فك خالص وبقى طرى
هناخد واحدة جلاشاية بس فى كل مرة ان شاء الله ( علشان كده ما شاء الله بيدى كمية كبيرة )
ولما ناخد الجلاشاية نغطى اخواتها بقماشة نظيفة كويس على طول علشان الباقى ما ينشفش مننا لو اتعرض للهواء
نبدا ندهن الجلاشاية بتاعتنا بالسمنة السايحة او الزبدة بس المهم انه يكون دهن خفييييييييف جدااااااااااا



هنا هنبدأ نفرد شوية سودانى او المكسرات المفرومة ناعم على طرف الجلاشاية



هنا نلف الجلاشاية بايدينا الاتنين علشان نعرف نتحكم فيها وتبقى مظبوطة من الناحيتين وما تتقطعش مننا
الجلاش اصلا بيتحايل على نفسه علشان يتقطع ... فناخد بالنا ونلف بشويييييييش
خدوا بالكم تكونوا مبحبحين ايديكم شوية ... يعنى ما نبرمش الجلاش جامد وياريت نسيب جوا شوية فراغ



مش هنلف الجلاشاية للاخر ... لا ... هنسيب فيها حوالى 3 سم فى الاخر من غير لف علشان ده هيبقى ورق الوردة
بعد ما بقى عندنا الجلاشاية عاملة زى الماسورة المحشية بالمكسرات نلفها على شكل حلزون
بس ناخد بالنا من اننا نسيب ال3 سم اللى كنا سايبينهم من الاول خارج الورده وبشكل عشوائى كانها ورقات الوردة
يا سلاااااااااااااااام على الفن



بعد كده ناخد وردتنا الحلوة ونحطها فصينية مدهونة بالسمن ونحط الوردة جنب الوردة
وندهن اطراف ورقات الورد بشوية سمن خفيف علشان تبقى لونها دهبى لما ندخلها الفرن
ولما نملأ الصينية كلها بالوردات ونعمل جنينة حلوة ندخلها الفرن وناخد بالنا انها مش بتاخد وقت فى الفرن
بالكثير 10 دقايق على الرف الوسطانى وفحرارة متوسطة ونفتح عليها الفرن عادى طبعا فى اى وقت
اول ما نلاحظ ان ورقات الورد بتاعنا بقى لونها دهبى نخرجها على طول ونكون مجهزين عندنا الشربات او القطر
ناخد بالنا ان الشربات لازم يكون بااااااااااااااااااااااارد ولسة خارج من التلاجة حالاااااااااااااااا
يعنى الجلاش سخن جدااااااا والشربات بارد جداااااااااا ولما نصبه على ورداتنا يعمل لنا تششششششششش
نشيل ورداتنا من الشربات ونرصها فطبق تقديم وبالهنا والشفا يا اجمل فتوكات



الرجوع الى أعلى الصفحة اذهب الى الأسفل
 
طريقه للجلاش الحلو
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي شباب المنصوره :: عالم حواء :: المطبخ-
انتقل الى: