الموضوع اللي هتكلم عليه دلوقتي بقي مجرد اراء
كل واحد بيقول رايه بيعترض او بيوافق!
واهو كله كلام وخلاص هما يعني لسه عملوا ضريبة علي الكلام!!!!!!
المهم نخش في المفيد(هوه مش مفيد اوي يعني)
الواحد مننا يدخل ثانوية عامية(عامة يعني) يقعد يذاكر مناهج تشل و يحفظ
وكله بالحفظ بيمشي علمي والا ادبي ماعدش حاجة فيها تفكير
دلوقتي كله حافظ مش فاهم!! وكل ده طبعاااا عشان يجيب مجموع عالي
والا واطي ماعدتش فارقة كله محصل بعضه!!!
ده حتي الموضوع وصل انه بقي مظاهر(اه والله مظاهر ده مش سايب حد في حاله ده ولا انفلونزا الخنازير
يا راجل)!!!! المهم نرجع لموضوعنا يا رياسه وبلاش كلام في السياسة!
غارت الثانوية العامة اخييييييرا بقرفها! يدخل الدمعة بقي(الجامعة) الحمد لله محدش بيتصدم كله داخل
فاهم النظام وعامل حسابه( محصن نفسه ضد فيرس النجاح) لف وصياعة طول السنة ومقضيها
ويبدا يبص في كتبه قصدي ورقه ويتكفا علي وشه في اخر شهر او بمعني اصح قبل الامتحان بيومين
يبص يلاقي نفسه غرقان في بحر ورق مش عارف منين(اوكيك ينفع برضه) بيودي علي فين؟!!
ويتكفا علي وشه اليومين دول ويروح الامتحان يلزق في الورقة كل اللي عارفه(الكلمتين)
بغض النظر بقي عن ده السؤال اصلا والا لا! كفايه اووي انه مانامش ومطبق ياعيني (ماسااااااااة)
ويخرج من الامتحان مش فاكر اصلا هوه امتحن مادة ايه!! وهكذا في كل مادة.....
وهبا خلص الكلية ويطلع بقي يلاقي الف مكان مستنيه!!!!!!
اه والله ماتستغربوش كده.. وهيه قهاوي مصر قليلة!!!!!!!
ده احنا الحمد لله واخدين حقنا تالت و متلت بيصرفولنا مع التموين(قهوة لكل مواطن)!
السؤال بقي: هوه ايه اللي احنا بنهببه ده؟؟؟؟؟؟؟؟؟؟؟؟
اسمه ايه؟؟؟ اصلي دورت عليه في كل القواميس ولسه مش لاقياه!!
عموما لو حد عرف عنه حاجة ياريت مايحرمناش من المعرفة والعلم والتقدم ويقولنا!
يالا بينا بقه نطلع بره الدايره المغلقة دي وماتتعبش نفسك في التفكير كتير يا كبير
لو القينا نظرة علي الدول المحيطة(العربية) او الاوتوبيس مافيش مشكلة يعني!!
نلاقي يا اخويا الواحد هناك مكفي علي الكتاب من اول يوم في الدراسة لاخر ثانيه
فيها شغال دح دح دح(الا من رحم ربه طبعا) ويقولك انا بدرس مش فاضي
ودايمااا خارج نطاق الخدمة ويقولك الامتحان قرب ولما بيقرب بقي ربنا مايوريك
وخلي بالك ده بيبقي قبل الامتحان بشهرين مثلا وقرب(ربنا يكون في العون)
وقبل الامتحان بشهر بيكون مخلص المواد وبيراجعها واخدلي بالك انت(بيراجعها)!!
بعيد عننا طبعا كل الكلام ده! وهكذا...كل مادة وكل سنة....
ويخلص يسافر في الاجازةفي اي مكان يتفسح يعني الدراسة دراسة بجد والاجازة
اجازة بجد(احنا بقي ماعدناش عارفين الدراسة من الاجازة)
ويخلص الجامحة يلاقي البلد بتاعته حجزاله مكان ويشتغل واحنا نطق
مع العلم طبعاااا ان احنا احسن منهم في كل حاجة ومع العلم برضه ان الطفل المصري
اذكي طفل في العالم(معلومة حمضانه)
السؤال برضه طب ليه كل ده؟؟؟؟
ليه احنا مش واخدين حقنا في بلدنا؟؟؟؟
ياتري ده عيب فينا احنا والا عيب في البلد والا العيب في الناس اللي بيحكموا البلد؟؟؟
مانقدرش نحمل حكومتنا كل الذنب لان احنا اكييييييد بنشارك فيه!!!!!
كفايه سكوتنا عليه والسكوت علامة الرضا! لو فعلا احنا مش عاجبنا حالنا
ومش راضين عنه ونفسنا نغير مصر ليه كلنا مانقفش ايد واحدة ونقول لا؟؟؟؟!!
لا علي كل حاجة مش عايزنها! لا للتعليم الفاشل الغير هادف...
اييييييييه مش قادرين؟؟؟ مش معقول يعني ده احنا 80 مليون يعني نهد العالم
طبعا مش عشان عددنا كبير بس عشان احنا مصريين وحماس المصريين
يهد الدنيا ويبنيها!
طبعا انا اقصد حاجة معينة من ناحية الوقفة الواحدة وان اللي مش عاجبه حاجة
مايعملهاش!!!! يعني الاطفال اللي في الابتدائي دوول متمرمطين في المناهج الجديدة
اللي كلها حشو علي الفاضي!!
لو كل طلبة الحضانة والابتدائي والاعدادي والثانوي والجامعة
بقوا ايد واحد و وقفوا وقالوا لا اكيييييييييييييد هنشوف مصر في صورة تانية
خاااااااااااااااااااااااالص و اكيد كل حاجة مش عجبانا هتعجبنا
طبعا كلامي ده له هدف معين واحد (الحدء يفهم) عشان الرقابة بس!!!!!
ااااه طبعا هيطلعلنا ميت الف واحد النباهه عنده زايده شويه ويقولك ازااي
ازاي مانتعلمش يعني ايه الكلام الفاضي! قال يعني هوه كده بيتعلم!!!!!
وميت الف واحد تاني مركبين بدل عقلهم(تييييييييييت) عشان الرقابة برضه
هيقولك هبا البت دي عايزة تخرب البلد(قال يعني وجوده فيها ده مش خراب)!!
ربنا يشفي بقي هنقول ايه!!!!
معرفش احنا مستنين ايه عشان نقول لا لاي حاجة مش في مصلحتنا؟؟!!
هيحصل ايه اكتر من اللي حصل وبيحصل؟!! كفااااااايه بقي
والله مش هنستحمل اكتر كفااااايه نتاقلم علي كل حال مش هيميل اكتر ما مال
والله العظيم الشعب المصري المفروض ياخد جايزة نوبل في التاقلم!
واخييييييييييرا بس عايزة اقول اني في الاول عملت مقارنة بسيطة في الجانب ده
تحديداا عشان ده بيحصل معايا وبشوفه وبعيشه وموضوع طلاب الدول العربية
ده والله مش من فراع انا عندي ناس اصحابي مش مصريين وبشوف كل ده
اما بقي موضوع التغيير واننا نبقي ايد واحدة ده عشان كلنا بنعشق البلد دي
لانها تستاهل فعلا انها تتعشق ولازم نطورها ونغيرها وده مش هيحصل ابداا
طول مااحنا متفككين ومش بنتفق علي التغيير!!
و لو لم اكن مصريا لوددت ان اكون مصريا بجد من كل قلبي
وشكراااااااااااا علي حسن استماعكم يا رياسة
واسفين علي التطويل و الغلاسة....