منتدي شباب المنصوره


منتدي شباب المنصوره


 
الرئيسيةاليوميةس .و .جبحـثالتسجيلدخول

شاطر | 
 

 ازاي تعرف انك في فرح مصري

اذهب الى الأسفل 
كاتب الموضوعرسالة
snow white
عضو جديد
عضو جديد
avatar

عدد المساهمات : 30
تاريخ التسجيل : 01/12/2009
العمر : 25

مُساهمةموضوع: ازاي تعرف انك في فرح مصري   الأحد مارس 14, 2010 5:29 pm

ازاى تعرف انك فى فرح مصرى
==================
من البدايه كدا هتلاقى الدعوه بتاعت الفرح جايالك وعليها عباره ..
[جنه الاطفال منازلهم]

يعنى من الاخر ابنك دا يقعد فى البيت ومايورناش وشه
احنا مش عارفين نأكل المعازيم لما هانأكل سعادته

لما تلاقى الزفه الدمياطى الازليه اياها
وبسم الله الرحمن الرحيم وهانبتدي الليله اااااه اااه

وتلاقى البنات بيجروا ورا العروسه عشان ينولوا شرف صحبتها كدا وهى داخله القاعه ويتقاسموا شرف انهم يشيلوا ديلها اقصد ديل الفستان

لما تلاقى العريس بيبخر العروس عشان الحسد احسن تتكسر ولا حاجه
وتلاقى العروسه بتبخر العريس احسن دا واخد عليها كمبيالات وشيكات
عشان قطع الغيار الغير متوفره وممكن يواديها فى داهيه

لما تلاقى بقا الستات بتمارس احسن هوايه ليها على مر التاريخ وهى النميمه
ويقعدوا بقا يقولوا:
انا عارفه يا ختى اخدها على ايه دا لا مال ولا جمال
والتانيه تقولها :
والله يا ختى من ناحيه الجمال فهى شبه الليفه المحروقه لكن من ناحيه المال لا دا الواد وقع واقف اه دا ابوها عنده عربيه كارو اقصد (ماقطوره )بتدخلوا شىء وشويات

وتلاقى البنات بقا واقفه اللى تقول:
ايه دا فستانها بيئه اوى ايا
والتانيه تقولها:
اكيد مأجراه من عند الكوافير اللى عملها التسريح اللى شبه تسريحه المجانين دى

لما تلاقي قرايب العريس مش عاجبهم قرايب العروسه و العكس صحيح طبعا و بيبصوا لبعض بإشمئزاز

لما اول حجه تسمعها اول ما تدخل القاعه وقبل ما تشوف العروسه والعريس
اغنيه هشام عباس (اسماء الله الحسنى)

لما تلاقى بتاع الكاميرا بيزوووم على الشبكه كانها مثلا قلاده الملكه اليزابيث الخامسه والعشرين
وتلاقى كل المعازيم هايماوتوا بعض وينطوا فوق بعض عشان يتفرجوا عليها

لما العريس والعروسه يرقصوا الرقصه الرومانسيه الازليه على اغنيه(غمض عينيك واحلم معايا) او اغنيه تامر حسنى(ومايحرمنيش منك)
وكل البشر بيصوروهم بكاميرا الموبايل وهما بيقولوا لبعض
(ياترى بيقولها ايه)

لما تلقى الاغنيه الرومانسيه اتقطعت فجأه كانهم بيقولولهم انجزوا ويروحوا مشغلين اغنيه السهره(هاتجوز) لـ سعد الصغير وبعدها العنب لمعبود الجماهير (بعرورر)

لما تلاقى ام العريس كل نص ساعه وتمسح عرق ابنها وتقوله
(يا بنى كفايه مش كده ...ماتهدش نفسك)

لما تسمع السؤال الابدي
(هو البوفيه هايفتح امتى...الواحد جاع)

لما يتعرض الفيلم التسجيلى البوفيه وكل ما يحتويه من لحمه وفراخ وديك رومى وكشك وسد الحنك

لما تسمع الناس وهيه بتقول
لالالا بس الاكل مكانش قد كده
بعد تناول الطعام مباشره وعلى راى المثل
(بعد ماكل واتكى قال رحته مستكه)

لما تلاقي كل البنات الي ف الفرح بيجروا ورا العروسه عشان طبعا ياخدوا البوكيه لما تحدفه
و العروسه بقى بتزلهم


لما تلاقى ام العروسه بتقول للعريس
خد بالك منها يا حبيبي
والعريس يقولها
دى فى عينى يا طنط


لما تلاقي العربيه بتاعه العروسه فيها جميع انواع والوان الورد
و دلوقتي الموضه الجديده بقى البيبي لايت

لما تلاقى الزفه انطلقت فى الشوارع مسببه الازعاج لخلق الله
وبيب بيب بيب بيب بيب بيب بيب بيب بيب بيب
---------------


م
ن
ق
و
ل
الرجوع الى أعلى الصفحة اذهب الى الأسفل
smsma
عضو مشارك
عضو مشارك
avatar

عدد المساهمات : 90
تاريخ التسجيل : 01/12/2009
العمر : 26

مُساهمةموضوع: رد: ازاي تعرف انك في فرح مصري   الأحد مارس 14, 2010 9:17 pm

السلام عليكم
موضوع جامد snow white
ومنوره المنتدى
الرجوع الى أعلى الصفحة اذهب الى الأسفل
elgamel
عضو فضى
عضو فضى
avatar

عدد المساهمات : 895
تاريخ التسجيل : 21/12/2009
العمر : 28

مُساهمةموضوع: رد: ازاي تعرف انك في فرح مصري   الإثنين مارس 15, 2010 1:17 am

هههههههههههههههههههههههههههه جامد والله يا snow white تسلمى يا جميل
الرجوع الى أعلى الصفحة اذهب الى الأسفل
 
ازاي تعرف انك في فرح مصري
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي شباب المنصوره :: المنتدي الترفيهي :: الضحك والفرفشه-
انتقل الى: