ادخل لو واثق من نفسك

ممكن اسألكم سؤااااال بسيط . . . .


بس الكل يجاوب بكل صراحه وجديه!!!


لو كان عندك 3 صناديق!!!


* الصندوق الأول كان فيه الحظ


* الصندوق الثاني كان فيه الحب


* الصندوق الثالث كان فيه ملايين من المال



اي واحد من هذي الصناديق راح تختار بكل صراحه ؟ ؟ ؟؟؟
وسبب اختيارك لهذا الصندوق ؟ ؟ ؟ ؟؟

السلام عليكم ورحمه الله وبركاته
ازيك يانور
بجد الموضوع حلو اوى ياقمرايه
وانا طبعا بتهيالى هتتوقعى ردى
هختار صندوق الحب لان الحب لما يبقا موجود فقلوب الناس كلها محدش هيحتاج حاجه تانيه
وهوة اللى بيظبط حيات البشر كلهم وانا خاصه
تحياتى

الموضوع جامد تسلم ايديك يا جميل واكيد صندوق الحب يبقى مش عاوزين حاجة تانية علشان فعلا لو موجود مش عاوزين حاجة تانية

طبعا الحب لاني اي حاجه تانيه فانيه ومش مستمره
االحب هوا الي بيفضل

الصندوق الثالث كان فيه ملايين من المال..

لان هوا دا الى بيصنع الفارق فالزمن الحاضر وبالمال اصنع كل شىء الحب والحظ والسعاده... عفوا..دى قوانين الزمن الى بنعيشه ..

شكراااااااااااااااا لكل الردود وكلكم منورين ياجماعه ومنوره يابطوطه متغبيش تانى
ورغم ان حازم واقعى جدا لان فعلا الحياه بقت صعبه دلوقتى الا انى مقدرش الاقى الحب اللى صعب الواحد ميلقهوش ومختاروش لانه احلى حاجه فى الدنيا

بصى يا نور
انهارده لو معكيش فلوس مش هتقدرى تلاقى الحب
لو معكيش فلوس مش هتقدرى تتجوزى
لومعكيش فلوس مش هتقدرى تعملى لنفسك مستوى اجتماعى والناس يحترموكى
لو معكيش فلوس مش هتقدرى تحققى لنفسك حجات ممكن تسعدك جدا
لو معكيش فلوس مش هتقدرى تعالجى نفسك
عفوااااااااااااااااا هذا زمن الراس ماليه .... لا تتعجب

انا هختار صنوق الحب لان لو الحب موجود حاجات كتير هتتغير بين الناس يا اااااااااااااااااااااااااااااااااا لو الحب فعلا يسود العالم والناس كلها تحب بعض وتتمنا الخير لبعض الدنيا اكيد هتتغير للاحسن اعتقد انها هتكون جميله

وانا بردة هاختار الحب لان اللى بيحب بجد ممكن يعمل اى حاجة علشان يقدر يسعد اللى بيحبه ويعمل اى حاجة وكل حاجة وبعدين الفلوس يا حازم مش كل حاجة هى يمكن يمكن بتمثل حاجات كتير اوى فى حياة الانسان بس مش كل حاجة يعنى لان افرض الواحد امتلك المال من غير ماكان سعيد يبقى الفولس حققت ايه دلوقتى ولا يمكن تتجوز واحدة وهى تكون بتتجوزك عشان فلوس الشخص دة مثلا وتطلع مش كويسه يبقى الفلوس عملت ايه دلوقتى
يعنى لما تلاقى الحب اللى بجد يبقى لاقيت اكتر من كنز ودة من وجهة نظرى يعنى ومش لازم الكنز يكون فلوس ويارب يوفقك

ههههههههههه دانا قولت انتى اول واحدة هاتختار الحب يا سودو
تختارى الحظ غريبة ههههههههههههههههه

looooooooooooool leh ya gmal 3ady y3ny w b3den enta msh wa5ed balak ana a5tar el 7az 3shan afdal m7zoza 3la tol w yfdal y7bny 3la tol w kman n3esh mrta7en mdyan rakz yagmal m3aia shwya

والله يا جماعه انا شايف ان الحب لوحده مينفعش
لان لو واحد مش لاقى ياكل هيحب ويجوز ازاى
لو واحد مش معاه فلوس هيسعد مراته ازاى ويظبطها
ومحدش يقولى كفايه الحب والرضا واللكلام الهندى دا
ادينا شيفين الايام دى الناس بتسيب بعضها عشان خاطر الشبكه اقل من الاتفاق بالفين ولا الف جنيه
حراااااااام بقا خليكو واقعيييييييييييييييييين

ازيكم يااجمد شباب

انا طبعا اخترت صندوقى بس انا ليا تعليق على راى حازم
انت قولت ان دة قانون الدنيا دلوقتى انها ماشيه بالفلوس
بس دة يعنى انه يكون قانونك انت كمان حتى لو الدنيا ماشيه غلط؟
متاسفه للناس الللى قالو ان حازم واقعى بالعكس هوة كدة مش واقعى خالص هوة كدة بيركب الموجه زى مابيقولو
تحياتى

ههههههههه عندك حق يا بطوطة

انا مش ضدك ياخالد فالراى بالعكس انا معاك جدا ان لازم يبقا فى شقه وفلوس علشان الحب يتوج بالزواج
طيب متمسك معايا لاين ان الواحد لو بيحب بجد هيعمل كل حاجه علشان يحافظ على حبه دة
هيشتغل كويس
هيدرس كويس
وهيتعامل مع الناس كويس
وهيعيط كويس برضه
ههههههههههههههههههههههههه
على العكس لو معاه فلوس ومفيش جواه حب الفلوس عمرها ماهتعوض الاحساس دة

وميرسى اوى ياجمل على ردك

تحياتى

بطوطه :
الحب لواحده مينفعش يا بطه
انا لو جيت خطبتك ومعنديش شقه هتوافقى؟؟
لو انتى وافقتى باباكى هيوافق امك هتوافق ؟؟
دلوقتى لما نشوف واحد بيرتبط بواحده اده فى السن
دول والنبى يجوزو ازاى
انتى عارفه ان الولد عشان يبنى نفسه لازم مش اقل من 30 سنه
الا من رحم ربى
عوزه تفهمينى انك لو مرتبطه بواحد ادك فى السن هتستنى لحد ميبقا عندك 30 سنه!!
لازم ننظر للامور بواقعيه ومنعيش فدور سعد الدالى وهبنى نفسى بسرعه وهلحق اجوز الى بحبها والكلام الفكسان دا
الواحد من دول يفضل يدفع فمشاعره وروحه وفى الاخر واحد يجى زى البغل معاه فلوس والبت تجوز غصب عنها

انا معاك ياحازم فكلامك
بس ليه لو احنا بنحب بعض واحنا فسن بعض دا ميديلناش الفرصه اننا نبدا حياتنا بدرى
يعنى هوة يشتغل وهوة بيدرس
او على الاقل يشيل هم نفسه
ونبدا خطوة خطوة مع بعض على الاقل نحس بقيمه بعض بدل مايجى البغل اللى انت بتقول عليه وياخد كل حاجه عالجاهز
هوة يعنى لازم نبدا بشقه تمليك فاحسن مكان وعربيه ورصيد فالبنك؟
لو بدانا بكل الحاجات دى هبعقد بقيت حياتنا نعمل بيهم ايه؟
نصرف فيهم ونبقا صورة طبق الاصل من البغل؟؟؟؟؟؟؟؟؟؟؟؟؟؟؟؟؟
لا معلش انا مش موافقاك على رايك ولو ان هوة اللى سايد اليومين دول
كمان الشباب بقوا بيموتو فالهروب من المسؤليه
الواحد فيهم بدل مايسترجل ويقف على رجليه ويشد حيله
اسهل حاجه لقول للبنت انا منفعكيش وظروفى متسمحش
امال بتعلقها من الاول ليه مدام هتضعف كدة؟
بسسسسسسسسس وياريت مكونش طولت عليكو وزهقتكو

تحياتى

ههههههههههههههههه والله كلامك كله صح يا بطوطةاللى عاوز حاجة بجد يا حازم هايعملها يعنى
فعلا مش لازم تبدا بشقة تمليك ممكن تبدا بالايجار وبردة مش لازم تبدأ كبير شويه بشويه هاتكبر وتبقى حاجة واللى انتى بتحبها اكيد هاتسعى لكدة معاك وبعدين مافيش بيبتدى كبير كدا يا حازم
غير بقى المدلعين اللى باباهم وماماتهم بيعملوليهم كل حاجة ودول مش بتيحملوا اى مسؤليه طبعا وزمانك فاهم كدا
وعموما ربنا يوفقك الجميع يارب