صور المسجد الاقصي

فكرت ياتري هيبقا ايه باالظبط الصور الي هحطها في الموضوع رقم 100
ملقتش احسن من صور المسجد الاقصي يارب احميه من الدمار






















لا اله الا الله محمد رسول الله

تسلم على المجهود الرائع يامرسى
وبهنيك على موضوعك ال100
وعلى كل مواضيعك الجميله
بس ياجماعه معلش انا عندى تعليق مهم ياريت تقراوء
المسجد اللى قدامكم دا مش المسجد الاقصى
الحقيقه انا بزعل جدا لما الاقى جيلنا ومعظم الناس دلوقتى فاكرة ان دا المسجد الاقصى
لا ياجماعه دا مسجد اسمه قبه الصخرة داخل القدس برضه ولكن هوة مسجد موجود فيه صخرة
ا اسمها الصخرة المقدسه وكانت لها علاقه بحادث الاسراء والمعراج
التصور الشائع ان هذة الصور للمسجد الاقصى هوة من الدعايا الصهيونيه اللى غرضها انها تعمى
عيوننا عن حقيقه صور المسجد الاقصى الحبيب وغرضهم من ذلك انه عندما تتم عمليات حفرياتهم
تحت المسجد الاقصى وينهار المسجد لايعرف احد عنه شيئا ويظل العرب والمسلمين فى سبات
ووهم ان المسجد مازال موجود

خدو بالكم ياجماعه واعذرونى مش عندى خبرة فرفع الصور كنت رفعت لكم الصور الحقيقه للمسجد
بس اوعدكم اجيبهالكم ان شاء الله

كمان اعذرونى على طريقتى فالكلام لانى متعودتش اتكلم معاكم غير بالعاميه وكمان منقلتش الكلام
من منتدى تانى او جاجه علشان كدة ممكن يكون شويه ملخبط



تقبلو مرورى وتحياتى

شكرا علي المرور يابطوطه ومنوره الموضوع
وشكرا علي المعلومات وانا هحاول اصلح الخطا ده باذن الله

للامانه ياجماعه انا اهتميت بالموضوع دا ولقيت راى على موقع الويكيبيديا هكتبهولكم
وممكن يكون هوة الاقرب للصح



الراى اهوة
(المسجد الأقصى هو واحد من أكثر المعالم قدسية عند المسلمين، حيث يعتبر أولى القبلتين في الإسلام. يقع المسجد الأقصى داخل البلدة القديمة لمدينة القدس في فلسطين. وهو اسم لكل ما دار حول السور الواقع في أقصى الزاوية الجنوبية الشرقية من المدينة القديمة المسورة، ويعد كل من مسجد قبة الصخرة والجامع القبلي من أشهر معالم المسجد الأقصى.

وقد ذكره الله في القرآن حيث قال: ﴿سُبْحَانَ الَّذِي أَسْرَى بِعَبْدِهِ لَيْلًا مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آَيَاتِنَا إِنَّه هُوَ السَّمِيعُ الْبَصِيرُ﴾ (سورة الإسراء-1:). وهو وأحد المساجد الثلاثة التي تشد الرحال إليها، كما قال رسول الله محمد صلى الله عليه وسلم " لا تشدُّ الرحال إلا إلى ثلاثة مساجد، المسجد الحرام، ومسجدي هذا (المسجد النبوي)، ومسجد الأقصى"(البخاري 1189 ومسلم 1397 واللفظ للبخاري). يطلق العامة تسمية "الحرم القدسي الشريف" على المسجد الأقصى، ولكنها تسمية خاطئة لا تصح، ففي الإسلام حرمان فقط متفق عليهما هما: المسجد الحرام والمسجد النبوي)
وفى كلا الحالتين سوا كان المسجد مسجد منفصل او جزء من المسجد الاقصى الا اننا لازم نعرف
ان مش هوة المسجد الاقصى

واحنا يامرسى اخوات واوعا تزعل من مشاركتى وباذن الله نعرف نوصل الحقيقه ودا هدفنا كلنا


تحياتى

لا طبعا عمري ماهزعل
وطبعا لازم نصلح المعلومات الغلط

معلومات حلوة اوى يا بطوطة بجد
واكيد محدش هايزعل من معلوماتك دى يا بطوطة تسلم ايدك على المعلومات دى