كرسي الاعتراف مع الجوهره

الجمل منور المنتدى وطبعا انا مبسوطة جدا انى معاكو على كرسى الاعتراف

ومستنية اسالتك

حواس احنا طبعا مش زعلانين وعارفين انك كنت اكيد مشغول ربنا معاك

واحنا كلنا كنا مشغولين ربنا يستر ويعديها على خير باذن الله

ومستنية اسالتك

ااهلا بجوهره القصر الي منوره في كل مكان
1-انتي طيبه كده علي طول ولا سعات بتتعصبي
2- ايه اجمل يوم في حياتك
3- بتحبي تخرخرجي فين ومع مين
4- كوفرتينا بيكرهني ليه من وجهت نظرك
5-نور2010بنسبالك ايه
كفايا كده د\لوقتي استني بقيت الاسئله قريبا

انا مش هطول عليكى يا جوهرة هما سؤالين
الاول بجد فى اصحاب حقيقين موجودين وما تبوصيش من للى جنبك من اصحابك؟
الثانى انا بايدك فى ان مافيش حاجة اسمها فعلا حب بس ازاى يتاكد منة لو صادف مرة ولاقاة او يتصرف ازاى؟

شكرا ليك انت يا خالد وبجد شرفنى مرورك

اهلا بيك انت يا محمد وانت والله اللى منورنا

1 لا والله الحمد لله انا طيبة على طوووووووووووول بس اكيد بردة بتعصب

ساعات وكل انسان بيجى علية وقت ويتعصب فية بس حتى لما بتعصب اول ماحد

يقولى متزعليش بيبقى خلاص ولا كان حاجة حصلت حتى لو مش هو اللى مزعلنى

اصلا

2 الحمد لله على كل اللى فات بس اكيد اى يوم كنت ببقى مبسوطة فية

والناس اللى بحبهم مبسوطين وكويسين الحمد لله كنت بحس انة اجمل يوم فى حياتى

3 بحب اخرج مع اصحابى اووووووى وفى اى مكان المهم انى اكون

معاهم وخلاص

4 هههههههههههههههههه كوفرتينا بردة اللى بيكرهك دة حتى الحفرة تشهد

تلاقى عشان معزمتهاش بس على مسرحية البطراااااااااااوى هههههههههههههههه

احنا لازم نعمل قعدة صلح عشان النفوس تصفى وكل واحد يسترد حقة من الكوفرتينا

هههههههههههههههههههههه

5 انا قلت قبل كدة انى مهما قلت عليها مش هقدر اقول هى اية بالنسبة ليا

هى اكتر من اخت ليا واكتر صاحبة قريبة منى بجد ربنا يخليها ليا انا مقدرش اتخيل

حياتى من غيرها اصلا انا بحس اننا زى بعض فى كل حاجة بحس اننا روح واحدة

ومقسومة على شخصين بجد انا بحمد ربنا انى عرفتها

شكرا يا محمد على اسئلتك ونورتنى

رجعتلكو تانى وهجاوب على اسئلة الجمل

وبعدين عادى طول براحتك واى سؤال انا فى الخدمة

1 اكيد طبعا فية اصحاب حقيقين وبيكونوا زى الاخوات كمان وانا الحمد لله

ليا اصحاب كتير اووووووووووووى وبحبهم كلهم جدا وبجد اكترهم طبعا نور احنا اكتر

من الاخوات ما شاء الله يعنى و ربنا يخليها ليا ونفضل كدة على طول باذن الله

2 بص بقى هو اكيد الحب طبعا موجود محدش يقدر ينكره بس فى الزمن دة

بيكون الحب المستحيل هههههههههه شوية تركى

لا بجد صعب اوى اننا نلاقى الحب دلوقتى بس لو صادفة مرة ولاقاة زى ما انت بتقول

فهو بيكون باين اوى وماكد نفسة مش محتاج ان الواحد لسة يتاكد منه بيبان فى الكلام وفى

الافعال دة حتى بيبان فى السكوت بتحس اذا كان اللى قدامك بيحبك ولا بيسرح بيك

واكيد هتحس بالحب دة لما تلاقي حد يحترمك ويخاف عليك ويخاف على زعلك ويحافظ

عليك فى غيابك قبل وجودك وبجد لو لقيت كل دة يبقى لازم تحافظ علية واوعى تضيعه

من ايدك ولازم انت كمان تكون اد الحب دة.......وربنا يوفقك


شكرااااااااا اوى على اسئلتك نورتنى

ازيك يا جوهره الان هبدأ الحديث الصحفى بتاعى وارجو الاجابه بكل صراحه وامتمنى ان تكون اسئلتى حلوه
1- نفسك يبقى عندك عربيه نوعها ايه ؟؟
2- نفسك تسافرى بره مصر ؟؟ ولو نفسك يبقا انهو دوله ؟؟
3- ايه المهنه الى نفسك تشتغليها لما تكبرى ؟؟
4- فى انتخابات الرئاسه 2011 تختارى مين من جمال مبارك - عمرو سليمان - ايمن نور - محمد البرادعى ؟؟
5- لو اتعينتى رئيسه الوزراء فى مصر ايه اول قرار تتخذيه ؟؟
6- لو خلفتى ولد تسميه ايه .. ولو بنت تسميها ايه ؟؟
7- فى رايك من هو افضل رئيس فى تاريخ مصر ؟؟
8- من هو افضل ممثل كوميدى ؟؟
9- من هو افضل ممثل رومانسى ؟؟
10- افضل مغنى - افضل مغنيه ؟؟
11- اكتر اغنيه ممكن تخليكى تدمعى ؟؟
12- اكتر اغنيه بتنسيكى الغلب الى انتى فيه ؟؟
13- لما بيبقى عندك امتحان بتقفى بره اللجنه تراجعى ولا بتتوكلى على الله وبتقولى الى ذاكر ذاكر ؟؟
14- هل انتى بتصلى بانتظام ولا بتنشى خالص ولا نص نص ؟؟
15- هل انتى تحبى عمرو دياب ام تامر حسنى ؟؟
16- ما رايك فى حورات الحب الايام دى .. هل هى حورات فكسانه- ولا مضيعه للوقت - وملا ملهاش لازمه - ولا معصيه لله ؟؟
17- ما هو سبب فشل كل علاقات الحب اقصد السبب الارجح .. عدم الصدق ..ولا لانها مش مبنيه على اساس عقلانى ؟؟
18- ايه اكتر اكله بتحبيها ومبتشبعيش منها ؟؟
19- اكتر فاكهه بتحبيها ؟؟
20- لو ركبتى االه الزمن تحبى تعيشى فى اى زمن ؟؟
21- هل اسئلتى كانت اوفر عليكى ؟؟
22- لو طلبت انى اسئلك تانى توافقى ؟؟

ازيك انت يا حازم انا مستعدة لحديثك الصحفى وهجاوب بكل صراااااااااحة

1 نفسى فى عربية هامر باذن الله ههههههههه لا بجد مش مهم العربية نوعها

اية انا اى حاجة بتكون عندى بكون راضية بيها الحمد لله

2 نفسى اسافر اتفسح بس واجى على طول انما مش نفسى اعيش برة مصر

ونفسى اسافر تركيا ولبنان وباريس واكيد السعودية طبعا اهم حاجة

3 نفسى باذن الله اشتغل فى مجال الدراسة بتاعتى الاعلام

4 اية يا حازم الاهتمامات السياسية دى؟؟؟لا بلاش نتكلم فى السياسة

5 لو اتعينت رئيسة الوزراء فى مصر اول قرار هاخدة انى اعين اعضاء

المنتدى وزرااااااااااااء هههههههههههههه افتكروا بقى الجمايل دى

6 انا نفسى باذن الله فى اسامى كتير اوى وكل يوم ممكن تلاقي نفسى فى اسم

بس حاليا فى الولاد بحب اسم احمد واسر واياد والبنات بحب ايتن ونور وملك

7 انت بتشتغل فى المخابرات يا حازم ولا اية؟؟؟

8 ايوة كدة هههههههه كريم عبد العزيز

9 بردة كريم عبد العزيز واحمد عز ومحمد رجب واياد طبعا فى لحظة وداع

10 انا بحب مغنين كتير تامر وعمرو وحماقى وتامر عاشور ورامى صبرى

واكمل ومغنية بحب اليسا اوى وجنات وشيرين ونانسى

11 كتير حسب الموقف ممكن فكرت فى وقت من الاوقات ومش

فاكر ليك رامى صبرى وقلبك جمد وتندم لية والحلم الجميل

12 اغنية ع بالى اليسا

13 انا طبعا بتوكل على الله بس بردة لو فية حاجة صعبة اوى ببص فيها بسرعة

قبل ما ادخل الامتحان

14 لا الحمد لله بصلى بانتظام

15 بحب اغانى تامر اوى وبحب عمرو بردة بالذات اغانية القديمة

16 انا رايى انها حوارات فكسانة الشباب بيضيعوا بيها وقتهم وعشان كدة

هى ملهاش اى لازمة واكيد بتكون معصية لله يعنى كل الاختيارات صح بس بردة

اكيد مش كلو كدة اكيد فية حب صادق بس نادر جدا وهو فين بقى؟؟الله اعلم

17 بردة السببين لان اصلا الشباب مش بيكون صادق وبيسلى نفسة وخلاص

فبالتالى كل العلاقات بتكون مش مبنية على اساس عقلانى لانهم كدة كدة بيكونوا عارفين

ان الحكاية هتاخد وقتها وتنتهى ويقولوا الكلمتين المحفوظين انا اسف الظروف

18 المكرونة البشاميل

19 الموز والتين

20 اكيد فى عهد الرسول ص بس انا هخاف من الكفار اوووى هههههههههههه

21 لا والله اسئلتك حلوة اوى وميرسى ليك جدا

22 اكيد طبعا اوافق وانا مبسوطة جدا انى معاكو على كرسى الاعتراف

انا هقدم المجموعه التانبه من الاسئله ...
1- لو لقدر الله فيه زلزال فى بيكم ومعاكى مامتك وباباكى واختك وحبيبك وقدامك تنقذى 3 بس تنقذى مين ؟؟
2- لو انتى نايمه ولقيتى حرامى دخل بيكم وممكن يموتك . تسوطى ولا تحاولى تقاوميه وتضربيه ولا تعملى نفسك نايمه ؟؟
3- اكرر السؤال الى مجاوبتيش عليه فى اختيار رئيس الجمهوريه .. ايمن نور ولا البرادعى ولا جمال ؟؟
4- فى رايك ما هى اجمل صفه فيكى ؟؟
5- ما هى اسوء صفه فيكى ؟؟
6- لو صديقك خانتك تروحى تتفاهمى معاها وتشوفى الى حصل دا ليه ولا تتاجهليها كان مفيش حاجه حصلت ؟؟
7- لو ماشيه بعربيتك بسرعه وخبطى واحد مات توقفى العربيه ولا تجرى وتهربى ؟؟
8- لو اهلك موفقوش على خطيبك الى انتى بتحبيه تصممى على رايك وتهربى ولا تحاولى تفهميهم وزى ماتيجى تيجى ؟؟
9- امتى اخر مره عيطى فحياتك وكان ايه هو السبب ؟؟
10-لو انى اتجوزتى واحد بتحبيه وطلع مبيخلفش تسيبيه ولا تفضلى معاه ؟؟

بجد انا مبسوط انك علي كرسي الاعتراف وشكرا علي الردود الحلوه دي ياجوهره
والنص التاني هنغيظ كوفرتينا ونوقعه في الحفره ونردم عليه
وعايز اسائل
1-لو اعجبتي بحد اوي ازاي هتعبري عن اعجابك بيه؟
2-لو الي اعجبتي بيه طلع مبيتكلمش موقفك هيبقا ايه؟
3-ايه سر المشاكل بين وبين العضوه ريكو 2010
3-اكتر عضو متميز من وجهه نظرك؟
وشكرررررررررررررررررررررررررررررررا

شكرا يا جوهرة على ردك بس بردة انا فى راى ان مافيش حاجة اسمها نهائى ويمكن كمان الاصحاب مافيش الا قليل اوى

شكرا يا جوهرة على ردك بس بردة انا فى راى ان مافيش حاجة اسمها نهائى ويمكن كمان الاصحاب مافيش الا قليل اوى

انا هجاوب عالمجموعة التانية من اسئلة حازم ومعلش انى اتاخرت عليكو فى الرد

1 لا انا بالنسبالى هيكون الموضوع سهل لانى معنديش اخوات بنات اصلا

فهنقذ ماما وبابا وحبيبى هههههههههه لا بجد اكيد ملهاش حل طبعا مانا بحبهم كلهم

زى بعض

2 لا انا اكيد اول ما اشوفة هيغمى عليا طبعا بس لو محصلش فاكيد هعمل نفسى

نايمة هو انا مستغنية عن روحى؟؟؟؟

3

4 انا قلت قبل كدة انى مقدرش احكم على نفسى ولا اقدر اقول اية احسن حاجة

واوحش حاجة فى صفاتى لان كل انسان بيكون لية وجهة نظر فى اللى قدامو

يعنى اللى انا شايفاة ميزة او عيب ممكن غيرى يشوفة حاجة عادية او مش موجود اصلا

5

6 لو صحبتى دى قريبة منى اوى وانا مش متوقعة اللى هى عملتة اكيد هتفاهم معاها

واعرف منها اية اللى حصل مش يمكن تكون مظلومة؟؟؟؟

اما لو هى مش صحبتى اوى وانا متوقعة انها ممكن تعمل معايا كدة فاكيد طبعا هتجاهلها

ومش هتعامل معاها تانى لانها ساعتها مش هتستحق اصلا انى اشغل نفسى بيها

7 لا اكيد طبعا هوقف العربية واحاول اتصرف مش هجرى واهرب هو انا يعنى

هخاف من الناس ومش هخاف من ربنا بس يارب محدش ابدا يتعرض للموقف دة

8 لا هحاول اقنعهم برايى واعرف هما معترضين لية والله لو اقتنعوا خير وبركة

اما لو مقتنعوش فبردة كلامهم هما اللى هيمشى لان اللى ملوش خير فى اهله ملوش خير

فى حد

9 اخر مرة عيطت كانت من يومين عشان كنت مضايقة وزهقانة

10 اكيد طبعا مش هسيبة لان دة رزق من عند ربنا وانا مبحبش اظلم حد زى مانا

مبحبش ان حد يظلمنى بس ربنا يرزقنا جميعا بالذرية الصالحة

ميرسى ليك يا حازم عالاسئلة ونورتنى

وانا كمان يا محمد مبسوطة جدا انى معاكو على كرسى الاعتراف

وبعدين هما ردموا الحفرة خلاص وكوفرتينا هرب هههههههههههههههه

1 امممممممم مش هعمل اى حاجة طبعا لان فى رايى مش المفروض ان البنت

هى اللى تبدا وتعبر عن اعجابها كمان...سلطان صح هههههههههههههه

2 مبيتكلمش ازاى اخرس يعنى؟؟؟مش عارفة والله عمرى ما فكرت فى الحكاية دى

قبل كدة بس اكيد هكون عارفة من قبلها مش هتفاجأ يعنى وبعدين انا قلت انى مش هعبر

عن اعجابى اصلا سواء بيتكلم او مبيتكلمش

3 المشكلة ان ريكو على طول بتفتن عليا انا ونور مع ان احنا اصلا بنقول الحقيقة

بس هى على طول سباقة بالخير ههههههههههه بس هى طبعا حبيبتى

4 الاعضاء هنا كلهم متميزين وكل واحد لية شخصيتة بس المشكلة ان فية ناس كتير

مبتدخلش على طول

شكرا ليك انت يا محمد

ازيك انت يا خالد وانا فعلا طولت اوى معاكو على كرسى الاعتراف

بس بجد كنت مبسوطة اوى انى معاكو وشكرا لكل اللى سالونى ولكل اللى مسالوش

شكرا لكى يا جوهره على سعه الصدر وانك جاوبتى على الاستفسارات المختلفه وشكرا جدا..وادعو كل الناس انها تشرفنى فى الاعتراف بتاعى وتسئل عن كل حاجه هى عوزاه وانا هجاوب بكل صراحه والله وعمرى ما هزيف الحقائق مع تحياتى ..