الحب من وجهن نظر الناس

ل يوم نسمع عن قصص حب فشلت ولم تكتمل...ناس حبت واتخانت....
ناس قدمت كل حاجة وضحت بكل حاجة....وفى الاخر اتضحى بيها...بنسمع كلام كتير
وهنفضل نسمع ونسمع....ودا العادى اللى متعودين عليه ومش غريب علينا
_ بس الغريب واللى بنسمعه دايما....ان ليه كل واحد حب واتخان واتجرح يقول خلاص
مبقاش فى حب ؟
_ ليه كل انسان اتخدع فى حبيبه يقول الناس كلها كدا ؟
_ وعلشان واحد خاين نظلم البشرية كلها....ونقول كل الناس خاينة...كل الناس بتخدع ومبقاش
فى امان ولا انسان صادق
_ بمجرد موقف واحد او تجربة فاشلة او تجارب معظمها فشلت نحكم بيها على الناس كلها وبسبب
انسان خاين نقول.....العالم كله مبقاش ليه امان
_ طيب ليه منقولش ان في امان مع ناس تانية ؟ ليه منقولش ان فى صدق وحنان واخلاص فى
ناس تانية؟ ليه دايما السيئة تعم والحسنة تخص ؟ وليه نحاسب انسان بيحبنا بذنب انسان تاني كان خاين وباعنا ؟ ليه منحبش تاني وليه منبصش للحياة بابتسامة تحدى ؟ ونقول مش هنضعف
وهنكمل وان فى ناس كويسة...ناس بتقدر الحب وان مش كل البشر زى بعض
_ زى ما احنا اتخدعنا واتخنا فى زينا كتير....مش انت لوحدك اللى اتخنت....مش انتى لوحدك
اللى اتبعتى....فى غيركوا كتير....وزى ما احنا محتاجين ناس جنبنا تحبنا...هما محتاجين ناس جنبهم
تحبهم وتحسسهم بالامان.....ولا هو علشان احنا اتظلمنا ودوقنا طعم الظلم.....يبقى لازم ندوقه لكل
اللى بيحبونا ؟
_ مش يمكن ربنا عمل فينا كدا علشان ندوق المر قبل الحلو ؟ نعرف طعم العذاب علشان نقدر الحب
ونعرف انه نادر فى الزمن ده....واكيد ربنا هيعوضك بالاحسن دايما...فى ناس غيركوا لسه مادخلتش
فى قصة حب جميلة ورومانسية....ليه نخوفهم ليه نكرهم فى حاجة اسمها حب ولا كله يقول ان طالما بكره
الحب لازم نخلى الكل يكره
_ ففى النهاية مش علشان انسان وحش نخسر ناس حلوة كتير....واعرف دايما ان اللى باعك وخانك....هو
الخسران مش انت....واعرف دايما قيمتك وان فى انسان بيحبك وبيقدرك....بس انت دور عليه كويس..وانت
هتـــــــــــــلاقـــــــــيه