السلام عليكم ورحمه الله وبركاته
هل كل مواقفك في الحياة بيكون مرجعك فيها ديني ؟
لما بتتخانق مع حد بتشوف الدين قالك اتصرف ازاي ؟
لما بتحب حد سواء زوجة او صاحب او مغني او شيخ او راقصة بترجع لدينك الأول وتشوف هل الشخص ده يصلح أنه يحب أو لأ ؟
هل بنحب ربنا ولا مجرد كلام ؟ ونحبه ليه ؟
هل بنحب النبي صلي الله عليه وسلم ؟ وليه تحبه ؟
طيب عرفنا ربنا ايه في حياتنا عشان نحبه ؟
طيب عرفنا النبي عليه الصلاة والسلام ضحي قد ايه وجاهد قد ايه عشان في الآخر يتكتب في البطاقة بتاعتك مسلم أو مسلمة بكل بساطة ؟ ده يخلينا نحبه ؟
اعرف ان المرء بيحشر يوم القيامة مع من أحب ؟ يعني لو بحب عمرو دياب هكون معاه في الآخرة ولو بحب تمورة برده هكون معاه في الآخرة؟
بدون أي تجريح في حد خالص تحب تكون مع مين ؟
تحب تكون مع النبي ومع أصحابه
تحب تكون مع عمر بن الخطاب ولا مع عمرو دياب
تحب تكوني مع أصالة وأنغام وروبي وهيفاء ونانسي وشيرين ولا تكوني مع أمهات المؤمنين ولا مع الحور العين ؟
ايه طريقك ؟ دينك حياتك ولا مجرد كلمة ؟ ولا مجرد بطاقة ؟ ولا مجرد حجاب وخلاص ؟ ولا مجرد فروض خمسة بصليها وبعد كده ربنا ملوش عندي حاجة ؟ بتفصل الدين عن الدنيا ؟ بتراعي ربنا في كلامك - في غضبك - في سرك - في علانيتك - في زوجتك - في زوجك - في خطيبتك - في خطيبك - في والدك - في والدتك - في نظراتك - في كل حياتك
قال الله تعالي ( ومن يعمل مثقال ذرة خيرا يره ومن يعمل مثقال ذرة شرا يره ) الحساب يوم القيامة بالذرة مش بشوية أعمال بالجملة وزي متيجي وخلاص
النبي صلي الله عليه وسلم هتشرب من ايديه ؟ ولا الملائكة هتباعد بينك وبينه عشان انت بعدت عنه اصلا في حياتك ؟
طريق ربنا مش سهل زي مالناس فاكره - الجنة سلعة غالية - عايز تبقي غني لكن السرقة والربا حرام - عايز تتجوز ومش معاك فلوس بس الزنا حرام
عايزة تتجوزي لكن مينفعش تلبسي ضيق ولا تضربي صحوبية وخروجات ومطلوب انك تتعففي زي نساء المؤمنات - بتحبها اوي ومش عارف تتجوزها بس حرام تكلمها - بتموتي فيه لكن ميفعش تخوني اهلك واخواتك وتكلميه من وارهم -
السؤال : ايه اللي بيحرك حياتك دين ولا اي جواب تاني ؟
آسف للاطالة - وجهة نظركم كلها تحترم - كل الأسئلة دي بسألها لنفسي قبل أي حد فيكم - وكل سؤال منهم توبيك لوحده - احب اشوف الردود بكل احترام بيننا
وطبعا الردود بعد الامتحانات صح........