كرسي الاعتراف عاد من جديد مع الجمل

كدا يا موحه تعملها فى ماشى وعموما شكرا على ترحيبك دة يا سكر انت

الاسم / طبعا الكل عارفه انا احمد الجمل

الكليه/ تانيه حقوق المنصوره

السن 19 وماشى فى العشرين

وانا طبعا من المنصوره هههههه


ها كدا كفايه فى البطاقه الشخصيه ولا لسه حاجة كمان



اااه صحيح مش مرتبط وبدرور على عروسه هههههههههههههه
بس طبعا ريكو وبطوطة هما لازم يوفقوا عليها طبعا لانهم زى اخواتى طبعا واكتر كمان

السلام عليكم
بما ان العضو الموجود على كرسي لاعتراف انهردة هو أحمد الجمل اللي يبقى ابن خالي ومعايا في نفس البيت لما الحمد لله زهقاانيين من بعض عالاخر هههههههههههههههههههههه
لازم أرحب بيه ترحيب جامد جدا[ندعوك للتسجيل في المنتدى أو التعريف بنفسك لمعاينة هذه الصورة]
وعلى فكرة يا جماعة كل اللي هيسأل هياخد ايس كريم هدية ( اسألو كتيييييييييييييييييييييييير بقى ) أصل احمد ده غالي عليا أوى هههههههههههههههههههههههههههههههههههه
س1 - إيه أكتر أكلة بتحبها وأكتر أكلة بتكرهها؟ واكتر مشروب كمان؟
س2- ايه اكتر صفة بتكرهها فى البنى ءادمين بصفةة عامة وفى البنات بصفة خاصة؟
س3- إيه أكتر حاجة عملتها وندمت انك عملت الحاجة دي؟ وايه اكتر حاجة عملتها وحبيت نفسك لما عملتها؟
س4- إيه الحلم اللي حلمت بيه وحصلك فعلا ؟ وايه الحلم اللي نفسك يتحقق بجد ومين يبقى معاك في الحلم ده؟
س5- لو جتلك فرصة تقابل فيها رئيس دولتك لدقيقة واحدة تساله ايه او تقوله إيه؟
س6- لو قالولك اختار رئيس دولة تقابله دقيقة واحدة مين هو ؟
ش7- لو انت اللي بقيت رئيس الدولة لدقيقة واحدة بردو ايه اول قرار يجي في بالك؟
س8-قول مواصفات فتاة احلامك بجد وبعيد عن الاكتئاب ههههههههههههههههههههههههههه
كفاية عليك كده وهرجع لك تانى
اصل احمد ده يا جماعة حبيبي حبيبي حبيبي ههههههههههههههههههههههههههههه
ROOSHA

هههههههههههههههههههههههه كدا يا رووشه بردة انتى كمان شمتانه فى ماشى ربنا يسامحك

اجابه اول سؤال بقى /اكتر اكلها بحبها بس محدش يضحك هههههههههههه المحشى والمكرونه بالمشامبل
واكتر اكله بكرها بجد ومش بضيقا الكوسه والخضروات عموما مش بحبهم هههههههههه
اما العصير بقى انا بشرب كل العصاير بحبهم اوى انشل اشرب برميل عصير مش بزهق منه ههههههههههههههههه

اجابه تانى سؤال/ اكتر صفه بكرها فى البائدمين بصفه عامه هى النفاق و الكدب والخيانه
وفى البنات بقى عدم الصراحه فيهم والخباثه اللى فيهم دى بس طبعا مش كلهم وطبعا اهم صفه بكرها فيهم الخيانه وعدم تقدير الشخص

اجابه السؤال التالت/اكتر حاجة عملتها وندمت عليها هى ان عرفت ناس كدا مش كويسه بس الحمدلله ربنا خلصنى منهم
واكتر حاجة عملتها وحبيت نفسى لما عملتها هى انى اتعرفت على احلى واجدع صحاب صحابى بتوع المنتدى موحه وخالد وريكو وبطوطة والمرسى وترو وكلكوا طبعا


اجابه السؤال الرابع الحلم اللى حلمت بيه واتحقق فعلا انى حلمت انى بموت فى يوم كنت مسافر فيه وفعلا سبحان الله العربيه اللى كنت راكبها عملت حادثه بس الحمدلله طلعت منها سليم
والحلم اللى نفسى احققه هو انى اقدم نيابه عامه انشاء الله
واللى يكون معاى فى الحلم دة الانسانه اللى تستهالنى وتقدرنى صح


اجابه السؤال الخامس لو جاتلى رئيس دلوتى اساله هاقوله ايه هههههههه هاتصور معاها وانزل الصورة على الفيس ههههههههههههههههه بلاش نخبط فى الحلل يا رووشه هههههههه احسن يتقبض علينا واولنا سامح صاحب المنتدى


اجابه السؤال السادس لو قوللى اختار رئيس دوله هختار مين
هختار احسن بلد فيها مزز وهختار رئيس البلد دى عشان اخليه يوردلنا مزز من عندهم ههههههههههههههههههههههههههههه

اجابه السؤال السابع لو انا بقى اللى بقيت رئيس دوله يا سلام اول هاعملها هالغى نظام المتحانات دة اللى واجع قلبنا وهاخليها دراسه من غير امتحانات واللى عاوز يذاكر يذاكر واللى مش عاوز يبقى احسن او الغى التعليم خالص يعنى خدنا من ايه ههههههههههههههههه

اجابه السؤال التامن
موصفات شريكه حياتى انا قلتها قبل كدا يا رووشه بس مش مهم اقولها تانى
انها تكون معرفتش حد قبلى وتكون محترمه ومتدينه وتحبنى زى ما بحبها وحكايه الجمال تكون كويسه يعنى مش عفريته هههههههههههههه وكل الناس تحسدنى عليها ههههههههه
بس شفتوا انا قنوع ازاى هههههه

ههههههههههههههههه الكرسى مريح يا خالد وزى الفل هههههه
نيجى بقى لاجابه على الاسئله
اجابه اول سؤال / اه ياخالد هو قصه واحده اللى كانت فى حياتى.

اجابه تانى سؤال لو اجابتى بنعم احكى القصه دى صعبه اوى يا خالد بجد ومش هاينفع اقولها بس كل اللى اقدر اقوله انى ندمت انى عرفت البنأدمه دى بجد او فكرت ارتبطت بيها اصلا (معلشى بقى مش بحب اتكلم فى الموضوع دة )


اجابه تالت سؤال من حيث بقى حكايه النصايح لشباب هو طبعا كل واحد له عقل وبيعرف يميز الغلط من الصح ومن الشخص الكويس من الوحش بس فى ناس بقى عامهل نفسها محترمه وكويسه عشان توقع الشبان وكدا وطبعا زمان الكل مجرب الناس دى او على الاقل اتعامل معاهم وشافهم بس يريت بجد كل واحد يحسن اختيار شريكه حياته وكذلك البنات بردة تحاول تدور على الشخص اللى يستهالها ويقدرها بجد لان زى مافى بنات وحشه فى ولاد اوحش واوحش وربنا يوفق الجميع انشاء الله

اجابه رابع سؤال شعورى بقى اتجاه ناحيه كل عضو فى المنتدى طبعا بحبهم كلهم جدا وبعترهم زى اخواتى بالظبط واكتر والله وربنا يشهد حبيباى والله سامح وخالد والمرسى وبطوطه وريكو وترو واحمد نبيل العسل والله بعزكوا كلكوا اوى

اجابه السؤال الخامس راى فى نظام التحكم فى الاسره بجد انا بحترمه جدا بالرغم ان فى ناس كتير كاره النظام دة اوى مش عارف ليه والله ماتلاقوا حد يخاف عليكوا ويحبكوا اد باباك ومامتك مهما كانوا بيعملوا فيكوا
مين اللى هايقف جنب لما يحصلك حاجة ةبعد الشر عنك ولما تتحوز مين اللى تلاقيه معاك وجنبك ماتقوليش اصحابك بقى والكلام الفارغ دة ماتلاقيش حد يخاف عليك اد اهلك مهما كان ليك اصحاب قريبن منك محدش يستحملك وتلاقيه يشيل همك اد اهلك

اجابه اخر سؤال بقى
هوياتى بقى انا بحب الملاكمه اوى بس انا بطلتها بقالى فتره كدا
وبحب الرياضه عموما

وبحب الكومبيوتر وصيانته جدا بردة الحمدلله يعنى بفهم فيهم

اهلا اهلا اهلا بيك معانا يا جمل . ويارب الكرسي يتكسر بيه مش يبقى مريح باخالد

جالك الموت يا تارك الصلى [ندعوك للتسجيل في المنتدى أو التعريف بنفسك لمعاينة هذه الصورة]

الاول انا كنت عاوزه اسالك بس تجاوب بصراااااااااااااحه ومش ردود دبلوماسيه انا عارفه انك مش عاوز تتكلم فالموضوع بس انا كنت عاوزه اعرف حاجه انت قاعد تقول انك ندمان انك عرفت الناس اللي انت عرفتها بس يا ترى انت اصلا كنت صادق مع الناس دي (كل الصدق) يعني مختلفناش انهم وحشين بس انت (ماخنتش _ مكدبتش_محورتش_كنت واضح وصريح ولا كنت بتقول كلام وخلاص من ورى قلبك يعني _ وانت فعلا كنت متمسك بالناس دي مع اني اشك؟؟)


تاني حاجه بقى لو كنت اتولدت بنت كان نفسك يبقى شخصيتك ازاي ؟؟؟ زي مين يعني ؟؟


ايه اكتر حاجه مش بتحبها في اصحابك؟؟؟؟ وايه الحاجه اللي لقتها في حد من اصحابك وكان نفسك تبقى عندك ؟؟؟

أعجبت بحد قبل كده ومعرفتش تكلمه ؟؟وكلمت حد وصدك؟؟؟


هصفي ذهني وارجعلك هههههههههههههههه مش هتقدر تغمض عنيك[ندعوك للتسجيل في المنتدى أو التعريف بنفسك لمعاينة هذه الصورة]

اهلا اهلا اهلا باشاااااااااااااااااااااااااااااا يارب الكرسى يكون مريحك هما سئلوك كل الاسئله وبما انهم مفترين انا مش هسئالك دلوقتى لان انا عارفه كل حاجه وعلى يدىىىىىىىىىىىىىىىىىىىىىىى ههههههههههه

ههههههههههههههههههه ماشى ياريكو والله انتى سكر والله وانتى بالذات تسالى اللى انتى عاوزها

نيجى بقى لترو لاف

عاوزه الكرسى يتكسر بى ماشى مش هاقولك غير ربنا يسامحك

بخصوص بقى انى حكايه كنت صريح دى مع الناس دول والله ربنا يشهد انا بكره الكدب والتحورات اد ايه
بجد انا بكره الانسان اللى مش صريح ومش دوغرى كدا وبيعد يلف ويدور وانا والله عمرى ماكدبت على اللى الناس دول فى حاجة وكنت دوغرى معاهم لاخر لحظه ومعاهم وجنبهم بس بقى فى ناس كدا ما بتقدرشى الحاجة اللى فى اديها انا مش بقول كدا على نفسى والله ابدا انا اقصد عموما يعنى وعمرى ما بقول حاجة من ورى قلبى يعنى لو واحد مش حابه بقوله كدا فى وشه مش بقعد بقى اكلمه حلو والنظام بتاع المجاملات دة او على الاقل بقوم سايب المكان اللى هو فيه وبمشى وخلاص

وحكايه بقى انك شاكه فى انى كنت فعلا متمسك بالناس دول انتى بتقولى كدا علشان ماتعرفيش غير اللى انتى شوفتيه بس وانتى فاهمه بقى وبعدين انتى ماتعرفيش انا عملت عشان الناس دى لاخر لحظه وكنت متمسك بيهم اد ايه بس دلوقتى بندم على كل يوم ولحظه قعدتها مع الناس دول



اجابه تانى سؤال بقى لو كنت اتولدت بنت كان نفسى تبقى شخصيتى ازاى كنت طبعا اول حاجة هاكون صريحه مع الناس
كنت هابقى طموحه عشان مستقبلى لانى بكره البنات اللى مالهاش هدف فى الحياه كنت هاط حدود فى المعامله فى الزملاه بينى وبين الولاد فى الكليات وكدا مش هاتبقى سلطه زى مابنشوف فى الجامعه وكدا هههههههههههههه

يعنى كدا وبعدين انا مبسوط انى راجل يا ترو


اجابه تالت سؤال اكتر حاجة مش بحبها فى اصحابى الخيانه والكذب
والحاجة اللى لاقيته فى حد من اصحابى ونفسى تبقى عندى هى كان ساعات بحسد واحد صاحبى لانه قاعد لوحدة ومش معاه حد لانى ساعات مش بطيق البيت وكدا لان فى برجع فى الاخر وبحمد ربنا على اللى انا فيه وبحمد ربنا على بابا وماما وربنا يخليهم لى يارب


اجابه السؤال الرابع

من ناحيه بقىاعجبت بجد قبل كدا كتير يا ترو هههههههههههههه

وكلمت حد وصدنى مافيش غير واحدة بس فى تانيه ثانوى بس جت كلمتنى فى الاخر ههههههههههههه بس خلاص الحاجات دى كلها كانت لعب عيال وخلصت

كويس ان كرسي الاعتراف رجع تاني


الجمل حبيب قلبي مع اني عرفك كويس بس هسالك برده


1-ايه اكترمكان نفسك تروحه-وهتاخد مين معاك؟


2-ايه اكتر حاجه بتجرحك اوي؟


3-عايزك توصفني في كلمه وحده بس ؟


4-اوصف نفسك في كلمه ؟


5-اول ما الدنيا تضيق بيك بتعمل ايه؟

كان معكم



محمد المرسي

المرسى حبيبى

بالنسبه لاول سؤال يا مرسى
اكتر مكان عاوز اروحه تركيا عشان حبيبى ههههههههه
وهاخد مين معاى ........... والله اللى هاتكون من نصيبى انشاء الله بقى

اجابه تانى سؤال
اكتر بتجرحنى بقى يا محمد ان محدش يقدرنى زى مانا بقدر الناس وانى حد يكذب على بردة والخيانه بردة بالذات لما تكون من اقرب الناس ليك

اجابه تالت سؤال
اوصفك فى كلمه واحدة والله انت يامحمد جدع وصاحب صاحبه

اجابه رابع سؤال

اوصف نفسى بكلمه واحدة (صريح)

اجابه اخر سؤال
اول لما الدنيا بضيق بى بعمل ايه
والله يا مرسى بعمل حاجات مختلفه يعنى ياما اخرج من البيت لحد لما اروق شويه او اقعد اتكلم مع حد لما اكون مخنوق اوى وطبعا مش اى حد ..حد واثق فى جدا
يعنى حاجات زى كدا يا محمد بعملها لما بكون مخنوق

حبيبى يا معلم يارب يكون الكرسى على مقاسك



1/ الى اى مدى ثقتك بنفسك


2/ اية رايك بالحب


3/ اية هدفك فى الحياة

4/ اية الموقف المحرج الى مريت بية والسوال دة اجبارى

5/ شايف الدنيا ازاى


6/ انتا راضى عن نفسك


7/ناوى ترتبط امتى وتريحنا منك


8/ واية الحاجة الى انتا ندمان عليها


9/ انتا برج اية


10/ قولى تقول لمين انتا ولا حاجة

هههههههههههههههههههههههه ماشى يا نبيل لا الكرسى على حلو هههههه
اجابه اول سؤال لنبيل
انا الحمد لله واثق فى نفسى جدا وعملاها ماتهزهت الحمدلله ابدا ولا عشان اى مخلوق

اجابه السؤال التانى
الحب مافيش احلى منه فى الدنيا ومن غيره اصلا الدنيا مايبقاش ليها معنى حد يعرف يعيش فينا من غير حب حتى لو حب من بعيد
مستحيل بس طبعا يبقى اسمه حب مع الشخص اللى يستهال مشاعرك واحساسك دة مش اللى بيقدى وقت وبيلعب وخلاص

اجابه السؤال التالت

هدفى فى الحياه دلوقتى انى اقدم نيابه عامه باذن الله وربنا يوفقنى ادعولى بقى

اجابه السؤال الرابع

هههههههههههه ريح دماغك يا نبيل مافيش مواقف محرجة واو مش فاكر دولقتى بجد اى موقف حرجنى

اجابه السؤال الخامس

شايف الدنيا بقى ازاى بوص والله يا نبيل من غير مبالغه بينى وبينك انا بتمنى الموت كل ثانيه
لكن انا بجد عايش عشان احقق هدفى اللى قولت عليه وربنا يقدرنى واحققه باذن الله
بجد الدنيا دى وحشه اوى يا نبيل ومستحملها بس عشان فيها ناس زيكوا كدا واللله

اجابه السؤال السادس

انا راضى عن نفسى جدا يا نبيل ماعدا بعض الحاجات كدا بس وبحاول اصلح منها

اجابه السؤال السابع

ههههههههههههههههه عاوز ترتاح منى يا نبيل لا انا مش ناوى ارتبط بقى كدا الا لما اشوف مستقبلى الاول او ريكو هى اللى تجبهالى وبطوطة كمان توافق عليها ههههههههههههه

اجابه السؤال التامن

الحاجه اللى انا ندمان عليها انا قولتها قبل كدا والله يا نبيل انى عرفت بعض الناس سنين وطلعوا كانوا بيضحكوا على بس الحمدلله انى عرفتهم قبل ما اطول معاهم اكتر من كدا
وانا راضى بكل حاجة الحمدلله

اجابه السؤال التاسع

انا هاقول انا برج ايه بس اللى هايضخحك على هازعل منه ماشى

انا برج( العذراء)

اجابه السؤال العاشر انت ولا حاجة
الناس اللى انا كنت عرفتهم يا نبيل وندمان عليهم بقولهم الكلمه دى

وشكرا يا حبيبى على اسألتك

يادى النور يادى النور
ايه النور دا كله ياقمر انت
انت منورنا والله النهاردة وزى كل مرة المشاريب على حسابى(خيرى عليكم كلكم من يومى)هههههههههههههه
ازيك ياجمل عامل ايه
يارب تكون بخير بص بقا انت طبعا علشان قاعد فالحته الشمال من قلبى مش هتقل عليك فالاسئله
نبدا ياقمر
بص بقا هوة انا الاول هطلب منك طلب وانت تقولى هتوافق ولا لا
ممكن متجيبش تانى سيرة اى حد بيقايقك او فكر يضايقك فيوم من الايام وتعتبر الحد دا مش موجود اصلا لان الموضوع اتنهى خلاص
تانى سؤال بقا
ايه اكتر حاجه بتخاف منها
وايه اكتر حاجه كنت بتخاف منها وانت صغير
3-احكيلنا موقف يضحك حصللك وانت صغير
4-هوة سؤال محيرنى بس ياريت لو عندك اجابه ليه تجاوبنى عليه
نفسى اعرف ايه السر انى ااول ماشوفتك حسيت انك اخويا الصغير وانت كمان فتحتلى قلبك (انا كنت فاكرة السبب ان ابراجنا متوافقه بس طلعنا مش متوافقين خالص)
اخر حاجه بقا اوعا تكون بتزعل من هزارى معاك وطولت لسانى
(ولو بتزعل اولع بجاز عادى يعنى)
هههههههههههههههههههههههههههههههه
مش قادرة امسك لسانى معلش
واخيرا بقا وصى حازم عليا وسلملى عليه وابقا خليه يدخل
شوفت اسهل من كدة
اى خدمع يلا ابقا افتكر الجمايل دى ياااااااااااا ولا بلاش




تحياتى

يلا ياجمل بقا معلش فى سؤال مهم نسيت اكتبه
هتوصفلى كل عضو من اعضاء المنتدى بكلمه
موحه
القماش
ريكو
ستك وتاج راسك (انا طبعا)
ههههههههههههههههههههههههههههههههه
جوهرة القصر
نور2010
ميدوز
روشه
احمد نبيل
المرسى
حازم
ترولاف (يلا م مشكله نجبر بخاطرها)
دونالد
سارة ساسو
الواطى اللى اسمه البطراوى
بس شفت متقلتش عليك ازاى

اوعى توصفنى بكلمه وحشه

هههههههههههههههههههههههههههههه والله يا بطوطة انا مش بحب اجيب سيره حد مضايقنى وانتى عارفه انه خلص خلاص بس فى ناس بقى انتى عارفهم بيحبوا يعدوا يفتحوا فىالموضوع دة وبعدين اهو قدامك اهو والله الناس دول اصلا اللى بضيقونى مش سايبنى فى حالى اصلا

اكتر حاجة بخاف منها بقى هى ان اخسر احلى واعز ناس زيكو كدا وربنا يخليكوا يارب


تانى سؤال بقى
اكتر حاجة كنت بخاف منها وانا صغير كانت الظلمه هههههههههه كنت بخاف منها اوى ماكنتش بحب انام الا والنور مولع اصلا هههههههه
بس دلوقتى بنام والشقه كلها كحل اصلا هههههههههههه

تالت سؤال بقى
موقف يضحكنى وانا صغير ايه السؤال دة يا بطوطة هو انا فاكر انا كلت ايه امبارح لما هافتكر ايه اللى حصلى وانا صغير يضحكنى ههههههههههه لو افتكرت هاقولك

رابع سؤال بقى

ههههههههههههههه السر اللى محيرك دة والله ماعرفه انا كمان يا بطوطة بس والله زى مانتى قولتى انا ارتحتلك وبحب اتكلم معاكى زى اختى والله واتكلم معاكى فى اللى مضايقنى وبردة ريكو اللى زى السكر

وحكايه هزارك معاى دى انا مش بزعل منها لانها من اختى ولو بزعل منها مكنشى زمانى اتقبلته صح هو صحيح لسانك دة طويل وعاوز قطعه بس زى العسل والله

وحازم والله بعتالك السلام وانا بقولك وبوصل السلام ليك يابت انتى بتنسى ولا ايه

بالنسبه يا بطوطة لوصف كل عضو من الاعضاء

موحه انسان كويس بس ماعدا حكايه كريم دى لو يبطلها يبقى فله هههههههههههههههه

القماش بقى بنادم كويس وربنا يوفقه باذن الله ويرجع بالسلامه

ريكو بنوته زى العسل وربنا يوفقها يارب وجدعه اوى مع اصحابها

بالنسبه ليكى يامو لسان طويل انتى عسوله يا بطوطة والله وانا بحترمك جدا عشان انتى كويسه اوى وتستهالى كل خير

جوهرة القصر بحس بجد انها صديقه كويسه اوى لما بشوفها مع نور 2010 وياب يدوم صدقتكوا يارب وهى بنادمه كويسه اوى وربنا يحفظها يارب

نور2010 هى كمان كويسه اوى وبحترمها اوى والله وربنا يوفقها ويخليها لماتها

ميدوز دة عسل والله وصاحب كويس اوى وربنا يوفقه فى كليته يارب

رووشه دى بقى ينت عمتى العسوله دى بقى انا بحبها اوى زى اختى واكتر وربنا معاها فى كليتها ويوفقك يا رووشه فى دبلومتك االلى انتى بتحضريها دى

نبيل دى بقى صحيح انا اول مرة اشوفه فى الرحله واتكلم معاها بردة بس والله واد زى العسل وعنده مبدا حلو اوى وربنايوفقه
وهو حب ميدوز اوى واتصحاب عليه بقى وحبوا بعض وهانجوزهم قريب هههههههههههههههههههه


المرسى طبعا مش محتاج وصف ولا كلام المرسى دة صاحب صاحبه بجد ومش معاى بس مع كل اصحبه بجد والمرسى دة حبيبى

حازم بقى زومة دة حبيبى وانسان طيب اوى وجدع والله زعلت عشانه اوى اللى حصله فى الترم الاول فى النتيجه ربنا يوفقه يارب ويحسن انشاء الله الترم دة

ترولاف بقى دى قليها ميت ههههههههههههه ركبت العاب كتير محدش فينا عرف يركبها فى دريم ههههههههههههههههه ايه دة قلبك دة حجر هههههههههههههه
بس والله بنوته زى العسل ربنا يحميها بس لو تبطل رخامه واسئله من اللى هى عارفها دى تبقى عسل ابيض وانما لو فضلت ترخم كدا تبقى عسل اسود هههههههههههههههه

ساره ساسو بقى دى اللى انا بحب ارخم عليها اوى يا بطوطة زى مانتى بتحبى ترخمى على كدا هههههههههههههههههههه بس انا خلاص ماعنتش برخم عليها زى الاول هههههههههه
وهى عسل وربنا يوفقها فى الكليه يارب وتخلص العبرى اللى عندها دة اللى مطلع عينها دة

اما بالنسبه للبطراوى ههههههههههههههههه هو فعلا واطى لانه ولا بيسال ولا بيعبر
بس طبعا اكيد فى حاجة مخليها مشغول اوى كدا لان لو بمزاجة انة ما يسالشى انا كنت قتلته
وربنا يوفقه فى حياته يارب

احمد طبعا منور كرسى الاعتراف معلش انى اتاخرت بالاسئلة بس طبعا كلهم عاملين معاك

احلى واجب[ندعوك للتسجيل في المنتدى أو التعريف بنفسك لمعاينة هذه الصورة]

1 جميعنا مررنا بلحظات سعيدة فى حياتنا ولكن هناك لحظة لن ننساها ابدا...فما هى اسعد لحظة

بحياتك؟؟

2 من الشخص الذى التقيت به وفارقته ولكنك لن تنساه ابدا؟؟


3 اعتزار يجب ان تقدمه لشخص معين من هذا الشخص ولماذا تعتذر له؟؟

4 لو كنت معجب بحد وحاسس ان الظروف مش مناسبة تعمل اية؟؟

5 اية اكتر اسم بنت واسم ولد بتحبهم

6 اختار 3 من الاعضاء ووجه ليهم رسالة معينة

7 اية النصيحة اللى بتنصح بيها نفسك؟؟

8 اية احلى فترة فى حياتك نفسك انها تستمر على طول؟

9 اية اللى بيحكمك اكتر عقلك ولا قلبك؟

10 واخر سؤال بقى واهم سؤال اية رايك فى مهند هههههههههههههههههههههه


يلا كغاية عليك كدة وطبعا منور كرسى الاعتراف[ندعوك للتسجيل في المنتدى أو التعريف بنفسك لمعاينة هذه الصورة]

ربنا يخليكى يا جوهره دانا نورك انتى طبعا
اجابه اول سؤال اسعد لحظه بحياتى هى ان عرفتكوا بجد والله احسن واجدع صحاب فى الدنيا

اجابه تانى سؤال
الشخص بقى اللى التقيته وفارقته ولن انساه ابدا تقريبا مافيش يا جوهره لان مافيش حد فارقته الا وانا واثق انى ما يستهلشى صداقتى وحبى

اجابه تالت سؤال بقى

اعتذار نفسى اقدمه لشخص هو بوصى بقدمه لوالدتى لانى ظلمتها فى كذا موضوع وهى كان عندها حق بس انا اللى كنت بعارضها وكنت بعمل مشاكل وفى الاخر هى اللى كلامها طلع صح
يالا الحمدلله على كل حاجة

اجابه رابع سؤال
لو كنت معجب وحاسس ان الظروف مش مناسبه هاعمل ايه بوصى يا جوهرة انا على فكره من النوع العنيد اوى يعنى لما اعجب بجد ومش عارف اوصل الاعجاب لظروف وكدا مش بسبه برده وبفضل احاول لاغيت لما اوصل الاعجاب دة مش بيأس الحمدلله يعنى وهحاول على اد ماقدر اسعده برده

اجابه خامس سؤال

اكتر اسم بنت بحبه هو اسم مامتى بس طبعا مش هاينفع اقوله ههههههههههه
واكتر اسم ولد بحبه هو فارس ونفسى اسمى ابنى اوى كدا انشاء الله

اجابه سادس سؤال
اختار 3 اعضاء واوجه ليهم رساله معينه هما(ريكو وبطوطة وانتى يا جوهرة) والمرسى بقى زياده عن التلاته ههههههه بنصب بقى هههههههه
بقولهم بقى ربنا يخليكوا لى بجد والله ما شوفتش اجدع منكوا بالرغم انى عرفتكوا فى وقت قصير اوى بس الناس كنوز وانتوا احلى كنز فى الدنيا

اجابه السؤال السابع

النصيحه اللى بنصح بيها نفسى
هو ان ربنا يهدينى و ابوص لمستقبلى انشاء الله واحقق حلمى اللى بتمناة من اولى جامعه من قبل ماخش الكليه كمان
وطبعا ربنا يحقق للكل حبيباى اللى هنا معاى فى المنتدى احلامهم وامنايتهم يارب

اجابه السؤال التامن

احلى فتره نفسى انها تستمر على طول كان نفسى فتره مدرستى وانا فى ابتدائى بجد وانا صغير خالص ماكنشى فى احلى منها كنت بعمل اللى انا عاوزه وماكنشى فى زى دلوقتى غش وخداع ونفاق ومحدش بيفكر فى بكره زى دلوقتى الاخ اللى بيبع اخوه علشان ميراث ولا كلام من دة كان الواحد عايش حياته وبس ماكنشى بيفكر فى حاجة خالص ولا مسؤليه ولا كلام من دة
ودة ما يمنعشى ان مش عاوز اتحمل مسؤليه بالعكس ابدا انا بحب اشيل مسؤليه جدا وربنا يعلم

اجابه السؤال التاسع

اللى بيحكمنى اكتر بس يا جوهرة هو لفتره كبيره كان قلبى اللى بيحكمنى وفى حاجات كتير مع اصحابى ومع ناس كتير لدرجه انى كنت باجى على نفسى عشان ارصى الناس دول
بس الحمدلله دلوقتى بقيت بحاول اللى يحكمنى دلوقتى عقلى الحمدلله لان قلبى كان بيخلينى ضعيف جدا قدام الناس اللى بعزهم وبحبهم بس كدا كويس بجد العقل نقدر نحكم نفسنا اكتر

اجابه السؤال العاشر

رأى فى مهند هههههههههههههههههههههه دى عسول يا جوهرة وبموت فى تمثيله يا بنتى انتى عارفه من حبى فيه حاطط له صور فى اوضتى ههههههههههههههههههههههههههه

اهلا باحلى عضو معنا الجمل طبعا منور ومش اى حد ينور يعنى باشا واللهى وقلبو طيب جدااااااااااااااا ومش انا اللى هقولكم نبدا بقى يااحمد
1-خر مرة حسيت فيها انك ضعيف كانت امتي؟؟؟؟
وليه حسيت الاحساس دة


2-أكبر عيب فيك وتتمنى ان يتغير ؟
3-ايه البلد اللي تحب تزورها؟؟ ولو ماكونتش مصري كنت تتمنى تكون من اى بلد؟؟؟
4-اكتر موقف اصحابك عملوه معاك وحسيت انهم اندال؟
5-انت ممكن تتاسف ولا شايف ان انت تتاسف دة عيب يعني ؟؟؟؟؟
6-- بتحب مين من المشاهير؟ وليه؟
7-- بتؤمن بالصداقة بين ولد وبنت ؟ ولية ؟
8-- لو طلعلك الفانوس السحرى والعفريت هيحققلك 3 أمنيات هيكونو ايه؟
9-مين ترشحه بعدك علي الكرسي؟
10- حكمتك المفضله ؟فنانك المفضل؟
11-ايه رايك فى المقوله اللى بتقول لا تحزن ان خانتك فتاه فهى كالطير تشرب من كل قناه؟وياترى البنات فى نظرك كلهم كده؟
12-مواصفات شريكه حياتك وهل من الممكن تتزوج من اجنبيه؟
13-/تحب فترة الخطوبه معاك(ان شاء الله يعني) تستمر اد ايه؟
معلشى يااحمد طاولت عليك بس والله انت منور ومولعها وانت عندى زى المرسى ربنا يوفقك وتحقق كل احلامك يارب وسلااااااااااااام مخصوص لمهند

ربنا يخليكى يا نور والله انتى اللى طيبه وشايفه الناس كلها كويسه
بس ايه الاسئله الصعبه اوى دى يا نور انتى بتمتحنينى ولا ايه ههههه

يالا نجاوب
اجابه اول سؤال
من فتره كدا يا نور كنت ضعيف مع ناس بس طلعوا ما يستهلوش اى حاجة خالص بس الحمدلل ققرت انى مبقاش كدا تانى نهائى

اجابه تانى سؤال

اكتر عيب فى واتمنى انه يتغير
انى طيب زيادة عن الازوم يا نور وبجد نفسى تتغير من اوى بس لاسف والله مش عارف اغيرها

اجابه تالت سؤال

نفسى اروح تركيا نور وانتى عارفه ليه بقى ولو ماكنتش مصرى كنت احب اكون من تركيا برده ههههههههه

اجابه رابع سؤال

اكتر موقف حسيت ان اصحابى انذال فيه لما حد فيهم يتخلى عنك فى وقت انتى محتاجه اوى

اجابه خامس سؤال

حكايه الاسف دى هى مش عيب يا نور بس طبعا لما اكون غلطان فى حق حد بقولها مش اكتر

اجابه سادس سؤال

بحب مين من المشاهير تامر حسنى
وليه عشان صوته واغنيه الجامده دى

اجابه السؤال السابع

بؤمن بين الصداقه بين الولد والبنت بوصى يا نور احنا اتربينا كلنا على اساس ان مافيش حاج اسمها كدا بس هو ممكن تبقى فى حاجه اسمها زمايل كليه وكدا بس برده فى حدود جدا على الاد بس مش اكتر

اجابه السؤال التامن

او طلعلى الفانوس السحرى وجالى 3 امنيات هاطلب ايه اول حاجة ابقى غنى اوى هههههههههههههههههههههههههههههههههه

تانى حاجة ابقى احقق حلمى اللى بتناه وهى النيابه

تالت حاجة اخلى ماماتى تعمل حج

اجابه السؤال التاسع

ارشح مين بعد على الكرسى

بطوطة هههههههه عشان انتقم منها شويه من اللى بتعمله فى

اجابه السؤال العاشر

حكتمى المفضله هى لو عاوز توقع بين صديقين بجد دخل بينهم فتاه
فنانى المفضل تامر حسنى

اجابه السؤال الحادى عشر

لا تحزن ان خانتك فتاه فهى كالطير تشرب من كل قناه؟وياترى البنات فى نظرك كلهم كده؟
يااااااااه المقوله دى حلوة اوى يا نور بجد
وطبعا مش كل البنات فى نظرى كدا بس بجد انا بستغرب اوى من البنات اللى كدا مش عارف بجد دول ايه يعنى ممكن نقول الولد ممكن يعمل كدا ماشى انما بنت بجد الواحد لسه ياما هايشوف بس كبعا يا نور انا مش شايف كله كدا ولا حاجة

اجابه السؤال التانى عشر

تانى والله قولتى موصفات شريكه حياتى دى مرتين نقولها تالت عشان خاطر نور احنا عندنا اغلى منها

اول حاجة تكون مدتينه يا نور واصغر منى فى السن على الاقل بسنه واحدة واكون اول واحد فى حياتها ودة بقى صعب اوى اليومين دول ان تلاقى واحدة ما بتكلمشى حد الايام دى وتحبنى زى مابحبها وتقدرنى وتحترمنى

اجابه السؤال الثالث عشر
حكايه فتره الخطوبه دى بقى محباش طويله ابدا يا نور عشان احنا فى مجتمع ما بيصدق يالاقى حاجة ويتكلم فيها عشان كدا الواحد يتجنب كل دة ويقصر من فتره الخظوبه دى يعنى بكتيرها اوى 10شهور ولما تطول اوى اوى يعنى ماتزيدش عن سنه

(ماتقوليش كدا يا نور ولا طولتى ولا حاجة والله اسئلى زى مانتى عاوزه والله وانا معاكى اهو وانا عارف والله انى زى محمد بالظبط ربنا يخليكى) هههههههههههه وسلامك لمهند وصل خلاص هههههههه

هههههههههههههههههههههههههههههههههههههههههههههههههههههههههههههههههههه ماشى رايح يا بطرواى ماتخليك قاعد ههههههههههههههههه
مش انا اللى قولت يا بطراوى بطوطة هى اللى قالت الاول هههههههههههههههه
اتصرف انت معاها بقى