1/ طبعا السؤال الاول هيكون عن الحبيبه عشان بكره عيد الحب
هل انت تعيش قصه حب في الوقت الحالي ام لا؟
الاجابه:
لا انا لا اعيش قصه حب الان..
...............................................................................
2/ما هي الهديه التى تقدمها لحبيبتك غدا في عيد الحب؟
الاحابه:
دا لو كان فيه حبيبه يعنى اممممممممم ممكن دبدوب عشان انا بحبها وبرفان مثلا
...............................................................................
3/ما هي مواصفات حبيبتك التى تحب ان ترتبط بها؟
الاجابه:
الحنيه..الطيبه..التواضع..حب الخير للناس..ان تكون محترمه..ان تكون حساسه..ان تكون رقيقه..ان تكون جدعه..ان يكون دمها خفيف..تكون روحها حلوه..تكون مطيعه..تكون طباعها هاديه..يكون سوطها منخفض..ان تكون ضعيفه
.............................................................................
4/من هم اكتر الاشخاص الذين تحبهم من حولك؟
الاجابه:
بالنسبه لنوعيه الناس الى انا بحبهم الى هما محترمين ومتواضعين ودمهم خفيف ورجاله وجدعان ومش منفسنين او متكبرين او عندهم عقد نفسيه وبالنسبه للاشخاص طبعا حبيب قلبى محمد المرسى .. وخالد باشا نجم المنتدى الاول..وجوهره القصر..وساره ساسو..وفطوطه
:c
.............................................................................
5/لماذا ميولك السياسي ليبرالى؟
الاجابه:
اولا احب اعرف الناس ان ليبرالى يعنى ديمقراطى من الدرجه الاولى
وان الديمقراطيه هى سيبل تقدم اى امه وهى الوسيله الوحيده لمواجهه تحكم الدول العظمى فى دول العالم الثالث عن طريق الحكومات المستبده والرؤساء المستبدين
الديمقراطيه تؤمن بان الشعب هو مصدر السلطات وان الشعب هو المتحكم الاول فى مجريات الامور وهو الذى يحدد مصير بلده واتجاهاته وليس كيانات اخرى لها اهداف خفيه ومصالح شخصيه
لذا وذاك فضلت ان اكون ليبرالى معتدل
.............................................................................
6/لو أصبحت رئيس الدوله لفتره وجيزه جدا ماذا تاخذ من قرارات؟
الاجابه:
اول قرار.. سوف اتخذه هو استقلال القضاء والجهات التشريعيه فى البلد وجعل الانتخابات تحت مراقبه القضاء النزيه
ثانى قرار.. اطرح مشروع التعديلات الدستوريه وتعديل الماده 76 والمواد الخاصه بشروط الترشيح للانتخابات
تالت قرار..اعاده صياغه مرتبات الدوله ووضع دكاتره الجامعه والمدرسين فى المرتبه الاولى
رابع قرار.. انشاء لجنه او مؤسسه لصياغه مستقبل البلاد يشرف عليها كبار صفوه المجتمع امثال احمد زويل ومحمد البرادعى وكبار المثقفين والادباء والعسكريين
خامس قرار .. تدعيم التكتل والوحده العربيه ولكن على اساس اقتصادى
سادس قرار .. الموافقه على مشروع انشاء دلتا موازى لنهر النيل باستثمارات عربيه اجنبيه
سابع قرار..تقييد حريه الصحافه وانشاء جهات رقابيه وقانون للصحافه ليحد من الحريه المفرطه لها...
اعتقد ان القرارات دى محوريه تكفى لتغيير مجرى البلاد فى فتره وجيزه
.............................................................................
7/هل انت حابب أن تعمل بمهنه المحاماه؟ ام انت داخل الكلية كده وخلاص؟
الاجابه:
انا لا احب ان اعمل بمهنه المحاماه.....وفى نفس الوقت مش داخل الكليه كدا وخلاص.. واحب اعرف الناس ان حقوق مش بتخرج محاميين بس.. لا بخرج محاسبين قانونيين..ومستشاريين قانونيين ومهن كتير جدا .. لان مفيش مؤسسه حكوميه او خاصه الا ما تحتوى على وظائف لكليه حقوق...والسبب الى خلانى ادخل الكليه دى لانى انا بحب القانون والسياسه..ومن اهدافى انى لما اخلص اشغل فى وزاره الخارجيه..انا عارف انها صعبه بس هنعمل ايه الواحد بيعمل الى عليه ولو مكانش فانا افضل اشتغل فى القانون الدولى لان مجاللاته حلوه كتير..ولو مكنش يبقا اشتغل فى شركات استثماريه او بنوك..انما المحاماه اخر حاجه افكر فيها ..
.............................................................................
8/بماذا توصف الخيانه؟
الاجابه:
اصعب شىء فى الدنيا..ومفيش حاجه فى الدنيا تستاهل انى اخون اى حد سوا صحبى او حبيبتى..وبصراحه كدا متجيش الا من انسان كلب..
ولا تاسفن على غدر الزمان لطالما رقصت على جثث الاسود كلاب..لا تحسبن برقصها تعلو على اسيادها تبقى الاسود اسود والكلاب كلاب..
.............................................................................
9/هل حدث لك موقف خيانه قبل كده؟ ولو حدث احكى عنه؟
االاجابه:
ياااااااااااااااااااااااااااااااااااه
انا اتخانت كتير جدا جدا جدا
لدرجه انى بقيت بفقد الثقه فالناس من اقل حاجه
بس تعرف ربنا كبير والله وبيعوضنى ديما بصحاب رجاله
وانا مبزعلش من الخيانه على قد ما بزعل وبخاف انى اخون حد..
واكبر خيانه تعرضت ليها كانت من واحده بحبها
بس تعرف هى كلبه ومتستاهلش ان احكى عليها لانها بقيت ماضى .لانها فعلا كلبه
وتبقى الاسود اسود والكلاب كلاب..
وانشاء الله ربنا هيعوضنى بقوله تعالى.. الطيبون للطيبات والخبيثون للخبيثات..
والحمد لله ان ربنا حمانى منها بسرعه
.............................................................................
10/احكى عن موقف حدث لصاحب قريب لك وانت نصحته وقول على النصيحه؟
الاجابه:
الموقف دا كن لواحد صاحبى بيبيع صحابه باقل ثمن..ومن غير سبب مع ان الناس اصلا بتستحمله بالعافيه .. وهو مفكر انه لما يبيع الناس كده انه بقا ايه مفيش زيه ..لكن ميعرفش ان الى يبيع صحبه دا يبقا بنى ادم كلب..
.............................................................................
11/ما شعورك اتجاه عائلتك؟
الاجابه:
عائلتى مهمشه ولا يوجد لها دور محورى فحياتى..
.............................................................................
12/هل تحب نظام التحكم من العائله ام لا؟
الاجابه:
لا احبه ..لكن احب التوجيه فى سياق احترام الذات..
.............................................................................
13/ما هي هواياتك؟
الاجابه:
الكوره..البلايسشين فيفا 2010..red alert..meddel of honour..under ground...
نت..التعرف على اصدقاء فى كل وقت..التحدث فالسياسه ...الاطلاع على حال البلد..الاطلاع على العلاج الطبيعى..
.............................................................................
14/ماذا تكره؟
الاجابه:
الخيانه والتكبروضعف الشخصيه وكره الناس والانانيه وانعدام الضمير وظلم الناس
.............................................................................
15/ماذا تحب؟
الاجابه:
الصراحه ثم الصراحه ثم الصراحه
.............................................................................
شكرا ليك يا خالد يا عسل ولو عاوز تسال حاجه كمان انا تحت امرك وانا بناشد كل المتواجدين فالمنتدى انهم يسالونى اوكى انا مسنتى اهو
الجمعة فبراير 12, 2010 9:04 pm
